Plantun de Prouvènço

Pèr coumpara dos planto d'encò nostre

Polycnemum majus & Thymus pulegioides

Polycnemum majus

Amaranthaceae Chenopodiaceae

Noms en français : Grand Polycnème, Camphrée sauvage.

Descripcioun :
La canfourato-fèro dóu gènre Polycnemum es uno planto proun ramificato à la baso e que rebalo au sòu. Li fueio e li bratèio que fan dins li 1 cm de long, soun estrecho e acabado pèr uno pouncho. Flouris proun en lònguis espigo emé de pichòti flour di 5 tepalo e 3 estamino. De pas s'engana emé la canfourato, Camphorosma monspeliaca, qu'es uno planto lignouso pu grando emé de fueio sènso espino.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Polycnemum
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 1 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Ermas - Camin
Estànci : Mesoumediterran à Mountagnard
Couroulougi : Éurasiatico
Ref. sc. : Polycnemum majus A.Braun, 1841

Ferigouleto(-pichot-chaine)

Thymus pulegioides

Lamiaceae Labiaceae

Àutri noum : Farigouleto, Serpoulet, Badassoun, Menudet.

Noms en français : Thym faux pouliot, Serpolet petit-chêne.

Descripcioun :
Aquesto ferigouleto se retrobo dins li pelouso de mountagno mounte èi pas raro ; trachis pulèu sus sòu séusous. Jamai eisado à destria d'un biais segur, fau bèn regarda la cambo, carrado emé de péu sus li caire (e pas tout à l'entour o sus dous coustat). Apoundèn que la planto crèis d'un biais simpoudique, emé de ramo que parton dre tout de long de la tijo, e gaire acabado pèr un tros bèn rama. Pensa de coumpara emé lis àutri ferigouleto de mountagno.

Usanço :
La ferigouleto--pichot-chaine a à pau près li mémi prouprieta qu'aquéli de la ferigoulo estènt quand meme mens forto.

Port : Erbo
Taio : 3 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 2 mm
Flourido : Printèms - Estiéu

Sòu : Si (Ca)
Autour basso e auto : 0 à 2400 m
Aparado : Noun
Mai à avoust

Liò : Tepiero seco - Pelouso
Estànci : Subremediterran à Subaupen
Couroulougi : Éurasiatico
Ref. sc. : Thymus pulegioides L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polycnemum majus & Thymus pulegioides

ges

Coumpara Canfourato(-fèro) emé uno autro planto

Coumpara Ferigouleto(-pichot-chaine) emé uno autro planto